Active Members

M. Rathina Rajarajan

சென்னையில் தனியார் துறையில் பணியாற்றும் ரத்தின ராஜேந்திரன், கஜா புயலில் பதிக்கப்பட்டோருக்கு அன்பு பாலம் வழியாக அனுப்பப்பட்ட நிவாரணப்பொருட்களை பகிர்ந்தளிக்கும் பணிகளை வேதாரண்யம் பகுதியில் மேற்கொண்டார். உடல் நிலை சரியில்லாத போதும், அதீத அக்கறையும் இவர் களப்பணியாற்றியது பாராட்டுக்கு உரியது.

A.Paramasivam

திருப்பூரைச் சேர்ந்த பரமசிவம், சொந்தத் தொழில் செய்துவருகிறார். கஜா புயல் பாதிப்பின் போது, அன்பு பாலத்துடன் இணைந்து இருபதாயிரம் ரூபாய்க்கு மேல் நிவாரணப் பொருட்களை அளித்தார். மேலும், திருப்பூரில் இருந்து கார் மூலம் மதுக்கூருக்கு சொந்த செலவில் வந்த அவர், அங்கு தங்கி இரண்டு நாட்கள் களப்பணியாற்றினார். இதையடுத்து திருப்பூரில் அவரது நண்பர்கள் பலரது உதவியைப் பெற்று புதுக்கோட்டை அருகே குக்கிராமங்களில் இலவச மருத்துவ முகாம் நடத்தி, பொதுமக்களுக்குத் தேவையான உதவிகளை அளித்தார். இதே போல் சென்னையில் கல்லூரிக் கட்டணம் செலுத்த இயலாமல் தவித்த ஒரு கல்லூரி மாணவிக்கு ரூ. 5,000 அளித்து உதவினார். துன்பத்தில் சிக்கித் தவிப்போருக்கு உதவத் துடிக்கும் அவர் அனைவராலும் பாராட்டப்படக்கூடியவர்.

M. Ramachandran

மதுக்கூர் மற்றும் அதனைச் சுற்றியுள்ள பகுதிகளுக்கு அன்புப்பாலம் மூலம் கிடைத்த நிவாரணப் பொருட்களை அளித்து களப்பணியாற்றிய ராமச்சந்திரன், மதுக்கூர் கீழத்தெருவைச் சேர்ந்தவர். பாதிக்கப்பட்டவர்களைக் கண்டறிவது, அவர்களுக்கு நிவாரணப்பொருட்கள் சென்று சேர்வதை உறுதிப்படுத்துவது என பல நிலைகளிலும் இவர் பணியாற்றினார்.

V.Gokul

சென்னையைச் சேர்ந்த கோகுல், கஜா புயல் பாதித்த பகுதிகளில் மதுக்கூர் அருகே கிராமங்களில் தங்கி பல நாட்கள் பணியாற்றினார். நெடுந்தொலைவுக்கும் பயணித்து கடைக்கோடி வீடு வரை உதவிகளைச் சென்று வழங்கிய இவரது பணிகள் பாராட்டத்தக்கவை.